domingo, 23 de noviembre de 2008

Curso de Chiron

Esta fin de semana estiven en Compostela participando dun curso de postgrado que se titula CHIRON 2.0: CLÁSICAS NA AULA.

Este curso foi aprobado no marco da Sección de Posgrao, Terceiro Ciclo e Formación Continua da USC.

Supoño que con este título, xa nos vos teño que contar de que vai. Pois si, acertastes. Un pouco de todo, blogs,wikis... xa que a irrupción das TIC no ensino está revolucionando os procedementos de moitos profesores. Entre eles, nós os de clásicas (Latín, Grego, Cultura Clásica) que queremos aprender máis sobre novas ferramentas coas que elaborar, organizar e compartir recursos educativos.

Hai ano e medio xurdiu CHIRON, un proxecto de traballo colaborativo formado por profesores de clásicas de diferentes puntos do Estado, que representa un exemplo da chamada web 2.0. Basicamente está alumada polo espíritu de compartir.

Dado que a súa implantación foi rápida e demostrou a súa eficacia para animar, motivar e proporcionar ferramentas ao profesorado, decidiron desenvolver un curso dedicado nun primeiro momento ao coñecemento de CHIRON, non só para mostrar como pode un profesor valerse destes recursos senón tamén para ensinar como pode colaborar no proxecto aportando os recursos propios. Estamos a falar do Planeta de blogs Clásicos, da wiki de recursos, do marcador social, do calendario de eventos, da galería de imaxes, de vídeos e de presentacións, do blog de reseñas bibliográficas, do Foro, do Chat.
Este curso pretende tamén a integración das TIC nas aulas de clásicas. Así participaron varios dos seus creadores, que nos explicaron as características e a versatilidade de CHIRON, e como podemos aplicar esas ferramentas na nosa tarea docente diaria: os blogs, as wikis e o seu aproveitamento didáctico e as Aulas Virtuais: E-learning e Moodle.

Aproveito tamén para explicarvos quen é Χείρων-Chiron. Na mitoloxía grega é o máis prudente e afable dos centauros, fillo de Cronos e a oceánida Filira, famoso polo seu coñecemento das artes e polo maxisterio que exerceu sobre numerosos heroes, coma Hércules, Jasón, Peleo e Aquiles. Dín que moraba no Monte Pelión e que foi ferido de morte por unha frecha envelenada coa sangue da hidra de Lerna, que Hércules disparou involuntariamente. A ferida causoulle tales sufrimentos que renunciou á inmortalidade en favor de Prometeo. Zeus colocouno no Zodiaco, onde representa a constelación de Saxitario.

A imaxe que vedes a dereita é o logo desta asociación de profes. Nela podedes ver as características físicas deste persoeiro da mitoloxía.





3 comentarios:

Olga dijo...

Una entrada magnífica. Me ha gustado mucho la síntesis que has hecho del curso y lo bien que has explicado el proyecto.
Pero con la animación de fotos me he quedado boquiabierta. has sido más rápida que nosotros... wuauuu.
Noraboa, sinceramente.
Y feliz y larga vida de bloguera...

Ana dijo...

¡Qué discreta has sido! No has mencionado siquiera los problemas que tuvimos y que con tanta paciencia soportasteis.
Gracias por estar ahí y participar en el curso, vuestras contribuciones son las que dan sentido al proyecto.

Álvaro P. Vilariño dijo...

En tan pouco tempo e cómo tes xa armado este novo blog!
Estou convencido de que será un dos que manebunt, et non volabunt...!

Related Posts with Thumbnails